کندز؛ امام صاحب ولسوالۍ کې د لس لوبډلو ترمنځ د فوټبال سیالۍ پای ته ورسېدې
د کندز ولایت د بدني روزنې او ورزش ریاست له لوري د یاد ولایت په امام صاحب ولسوالۍ کې د لس لوبډلو ترمنځ د فوټبال سیالۍ د جوانان مینګ باتمن لوبډلې په اتلولي پای ته ورسېدې.
د یادو سیالیو پایلوبه کې جوانان مینګ باتمن لوبډلې د ۵ پر ۴ ګولونو په توپير خپلې سیالې قویاش لوبډلې ته ماتې ورکړه او اتلولي یې وګټله.
دا سیالۍ د ځوانانو ترمنځ د یووالي په موخه ترسره شوې، چې یوه اوونۍ یې دوام وکړ.
