بلخ؛ د المپیک ملي کمېټې او ورزش رئیس، د عامې روغتیا ریاست له ورزشي څانګې لیدنه وکړه
ښاغلي انجینر نظرمحمد مطمئن دافغانستان المپیک کمیټې او ورزش رئیس، د بلخ ولایت عامې روغتیا ریاست د ورزشی څانګې له ورزشي کړنو څخه لیدنه وکړه، چې د عامې روغتیا ورزشي مسئول استاد روکي" سرخوش" له خوا معلومات ورکړل شول.
همدا رنګه د یادې څانګې او لوبغاړو د مخکنیو فعالیتونو مستند فیلم هم نندارې ته وړاندې شو.
د بلخ ولایت عامې روغیتا رئیس ښاغلي ډاکتر نجیب الله "توانا"مېلمنو ته ښه راغلاست ووایه او زیاته یې کړه چې ورزش د روغتیا او سلامتۍ ضامن دی، د همدې لپاره مونږ د ورزش ملاتړ کوو او په راتلونکو کې هیله مند یو، چې د ورزش اکثره اتلان د همدې ورزشي څانګې څخه هېواد او بلخ ولایت ته ویاړونه راوړي.
د افغانستان المپیک کمېټې او ورزش عمومي رئیس انجنیر نظرمحمد "مطمئین" د عامې روغتیا ریاست د ورزشی څانګې له کړنو څخه خوښي څرګنده کړه او وعده یې وکړه چې د نوموړي ورزشي بنسټ ملاتړ به کوي، همدارنګه ښاغلي مطمئن هیله څرګنده کړه، چې نورو ولایتونو عامې روغتیا ریاستونو کې هم داسې ورزشي ټېمونه او څانګې فعالې شي.
د برنامې په پای کې د افغانستان المپیک کمېټې د رئیس لخوا عامې روغتیا رئیس، ورزش مسئول او لوبغاړو ته ورزشي ډالۍ ورکړل شوې.
د یادونې وړ ده، چې د بلخ ولایت عامې روغتیا ریاست یوازینی ریاست دی، چې منظم ورزشي ټېمونه لري.
