کابل کې د يووالي جام په نوم د کونګ فو اتلولۍ سيالۍ پيل شوې
د کابل ولايت د بدني روزنې او ورزش رياست په همکارۍ او د کونګ فو فدراسيون له لوري د کابل ولايت له کلبونو د ۱۶۰ ورزشکارانو ترمنځ د يووالي جام په نوم په بازمايانا سبک کې د کونګ فو اتلولۍ سيالۍ پيل شوې.
دغه سيالۍ د تنکيو ځوانانو، نويو ځوانانو، ځوانانو او د لويانو ورزشکارانو په عمري کټګوريو او د تک فايټ په ډول ترسره شي، چې په پايله کې به ۸۰ غوره ورزشکاران وپېژندل شي.
د دغو سياليو د پيل په مراسمو کې د ورزش ادارې فني او مسلکي مرستيال حافظ احمد جان ځدراڼ، د کونګ فو فدراسيون مسوولينو او ورزشکارانو ګډون کړی وو.
د يادو سياليو موخه د کونګ فو ورزش ته وده ورکول او د غوره استعدادونو موندل و.
