کابل کې د ټول هیواد په سطحه ورزشي نندارتون جوړېږي
دغه څرګندونې د بدني روزنې او ورزش او د المپيک ملي کمېټې عمومي رييس انجنير نظرمحمد مطمين د فدراسيونونو له رييسانو سره په کتنه کې وکړې.
نن غرمه ښاغلي نظرمحمد مطمین د المپیک په ملي کمیټه کې د ورزشي فدراسیونونو له رئیسانو سره په ولسوالیو کې د سیالیو د ترسره کولو، د زرګونو ورزشکارانو په ګډون د ستر نندارتو د تنظیم او د فدراسیونونو د انتخاباتو د ترسره کولو په اړه خبرې وکړې.
د فدراسیونونو رئیسانو د ولایتي ټاکنو او ورزشي فدراسیونونو له ترسره کېدو خپل ملاتړ اعلان کړ او ژمنه یې وکړه چې دغه بهیر به چټکوي.
دا په داسې حال کې ده چې د بدني روزنې او ورزش عمومي ریاست او د المپیک ملي کمېټه په پام کې لري چې د هیواد د ۳۴ ولایتونو د لوبغاړو په ګډون ستر ورزشي نندارتون د هیواد په پلازمېنه کابل کې ترسره کړي.
