په لوګر کې د شلو لوبډلو ترمنځ د فوټسال سیالۍ پیل شوې
د لوګر ولایت د بدني روزنې او ورزش امریت په همکارۍ د نوموړي ولایت د مرکز پل علم او ولسواليو د ۲۰ لوبډلو ترمنځ د فوټسال سیالۍ پیل شوې.
د دغو سیالیو لومړۍ لوبه د استقلال او توفان برکي راجان لوبډلو ترمنځ ترسره شوه، چې په پایله کې توفان برکي راجان لوبډلې خپلې سیالې لوبډلې ته د ۶-۱ ګولونو په توپیر ماتې ورکړه او بریا یې خپله کړه.
یادې سیالۍ د لوګر ولایت مرکز پل علم په لودین جمنازیوم کی پیل شوې او یوه میاشت په دوام وکړي.
د یادو سیالیو موخه چې د نشهيی توکو پر وړاندې مبارزه او ورزش ته د ځوانانو هڅول دي، د پیل په مراسمو کې يې د لوګر ولایت د بدني روزنې او ورزش امریت مسوولینو، ورزشکارانو او د ورزش مینوالو ګډون کړی و.
