د افغانستان د تنکيو ځوانانو تکواندو ملي لوبډله د ورزشي ادارو او هېوادوالو له تود هرکلي سره هېواد ته راستنه شوه.
د افغانستان د تنکيو ځوانانو تکواندو ملي لوبډله د ورزشي ادارو او هېوادوالو له تود هرکلي سره هېواد ته راستنه شوه.
د تنکيو ځوانانو د نارينه و لوبډلې ۳ د سروزرو، ۳ د سپينو زرو او ۲ د برونزو مډالونو په ګټلو سره په ټوله کې د ۳۲ امتيازاتو په ترلاسه کولو د G1 تکواندو سياليو کې چې اردون کې ترسره شوې په ټوله کې ملي لوبغاړو دوېم مقام خپل کړ.
د تکواندو الحسن جام د ۳۷ هېوادونو په ګډون د اردون په شاهي هېواد کې د جولای له ۲۶ نېټې تر ۲۸ ترسره شوې چې د نجونو او هلکانو په بېلابېلو کټه ګوريو کې
وشوې.
افغانستان په مجموعي کټه ګورۍ کې د ۳۹ لوبډلو څخه چې ۱۳ يې مډالونه وګټل دوېم مقام خپل کړ او د تنکيو ځوانانو په څانګه کې له ۲۱ څخه ۱۰ ټيمونو مډالونه خپل کړ چې افغان لوبډلې يې لومړی مقام وګټه.
دا په مهمو نړيوالو سيالیو کې د افغان لوبډلې دوېمه اتلولي ده چې د هند په G1 لوبو کې يې د ۱۳ هېوادونو څخه چې ۲۵۰۰ لوبغاړو پکې ګډون درلود لومړی مقام ګټلی و.
د يادولو وړ ده چې تېره اونۍ هم افغان تنکيو ځوانانو د اسيا په ۳۲ هېوادونو کې پنځم مقام ګټلی و.
