لوګر؛ په برکي برک ولسوالۍ کې د واليبال سیالۍ پيل شوې
د لوګر ولایت د بدني روزنې او ورزش آمریت او د والیبال فدراسیون په همغږۍ د لوګر ولايت برکي برک ولسوالۍ په برکي راجان بازار کې د خزاني جام په نوم د مرکز او ولسواليو د ٢٠ لوبډلو په ګډون د واليبال ټورنمنټ پيل شو.
دغه سیالۍ، چې درې اوونۍ به دوام وکړي، د پيل په لوبه کې يې د فريد احمد لوبډلې د ٢-١ ميدانونو په توپیر دوشيخ لوبډلې ته ماتې ورکړه.
د يادو سياليو موخه د لوګر ولايت په کچه د والیبال لوبې پراختيا، د لوبغاړو ترمنځ يووالى، اتفاق او له نشه يي توکو سره مبارزه او د ځوانانو تشویق دی.
