بلخ؛ د کیک بوکس خزاني سیالیو نولسم پړاو پای ته ورسېد
د بلخ ولایت د بدني روزنې او ورزش آمریت له لوري د ۵۴ ورزشکارانو ترمنځ د کیک بوکس نولسم پړاو خزاني سیالۍ پای ته ورسېدې.
د یادو سیالیو موخه د بلخ ولایت منتخبې لوبډلې ته د غوره لوبغاړو پېژندل و، چې له ډلې یې اته غوره لوبغاړي وټاکل شول.
د یادونې ده، چې د کیک بوکس په یاد پړاو سیالیو کې د بلخ ولایت د بدني روزنې او ورزش ریاست مسئولانو، ورزشکارانو، د ورزش مینوالو او ګڼ شمېر استادانو ګډون کړی و.
