هلمند؛ ګرشک ولسوالۍ کې د ۱۰ لوبډلو ترمنځ د ټېب بال کرېکټ سیالۍ پیل شوې
د هلمند ولایت په ګرشک ولسوالۍ کې د استقلال په نوم د ۱۰ لوبډلو ترمنځ د ټېپ بال کرېکټ سیالۍ، چې په دوو ګروپونو وېشل شوې دي، پیل شوې.
د سیالیو په الف ګروپ کې اشنا، پښتون، ګرشک، طوفان او مسلم لوبډلې او په بي ګروپ کې ګرشک زلمیان، میوند، اریانا، هلمندي ځوانان او بدري لوبډلې شاملې دي.
یادې ۱۵ اوره سیالۍ چې د ګرشک ولسوالۍ د ګنج لوبغالي کې ترسره کېږي، پنځه ویشت ورځې به دوام وکړي.
په لومړۍ پیل لوبه کې اریانا او میوند لوبډلې سره مخ شوې، چې پچه اریانا لوبډلې وګټله او د توپوهنې پرېکړه یې وکړه. اریانا لوبډلې په ټاکلو ۱۵ اورونو کې ۲۴۸ منډو هدف وټاکه، چې مقابلې لوبډلې په ۶۹ منډو ټول لوبغاړي اوټ او اریانا د لومړۍ پیل لوبې ګټونکې شوه.
د یادونې ده، چې د پیل په مراسمو کې د هلمند ورزشي مسوولینو، لوبغاړو او ننداره چیانو ګډون درلود.
