په ننګرهار کې د شپږو ولایتونو ترمنځ د فوټبال سيالۍ پيل شوې
د ننګرهار ولايت د بدني روزنې او ورزش رياست اړوند فوټبال فدراسيون له لوري د ننګرهار، لغمان، ميدان وردګ،خوست، پکتيا او نورستان ولايتونو ترمنځ د فوټبال سيالۍ پيل شوې.
د يادو سياليو د پيل په مراسمو کې د بدني روزنې او سپورټ عمومي رياست فني او مسلکي مرستيال حافظ احمد جان ځدران، د فوټبال ملي فدراسیون رييس محمد يوسف کارګر، د نوموړي ولايت د بدني روزنې او ورزش رييس عبدالسلام وزيروال، د ياد ولايت د فوټبال مسوولينو، ورزشکارانو او د ورزش مينوالو ګډون کړی و.
د دغو سياليو د پيل په لوبه کې ننګرهار لوبډلې خپلې سيالې خوست لوبډلې ته د ۳_۲ ګولونو په توپير ماتې ورکړه او بريا يې خپله کړه.
هېره دې نه وي چې د دغو سياليو موخه د زون په کچه د غوره لوبډلې موندل ياد شوي دي، چې په راتلونکې کې به د هيواد د زونونو په کچه په سياليو کې ګډون وکړي.
