ننګرهار؛ د اوو ولایتونو ترمنځ د والیبال سیالۍ پیل شوې
د ننګرهار ولایت د بدني روزنې او ورزش ریاست په لارښوونه او په یاد ولایت کې د والیبال فدراسیون د استازولۍ له لوري د ورزش ریاست په انګړ کې د ډاکتر بشیر په مالي ملاتړ د (افغانستان امن دی) په نوم د اوو ولایتونو ترمنځ د والیبال سیالۍ پیل شوې.
په دغو سیالیو کې د کابل، میدان وردګ، لوګر، کاپیسا، لغمان، ننګرهار او کنړ ولایتونو لوبډلو برخه اخیستې ده، چې لومړۍ لوبه یې د ډاکټر بشیر او لغمان پردیس لوبډلو ترمنځ ترسره شوه، چې په پایله کې یې د ډاکتر بشیر لوبډلې د ۲/۰ میدانونو په توپیر سیالې لوبډلې ته ماتې ورکړه.
