کندز؛ دشت ارچي ولسوالۍ کې د ۷۰ چاپندازانو تر منځ د وزلوبې سيالۍ ترسره شوه
د کندز ولايت د بدني روزنې او سپورټ رياست اړوند، د وزلوبې فدراسيون د استازولۍ له لوري، د ياد ولايت په په دشت ارچي ولسوالۍ کې د ۷۰ چاپندازانو تر منځ د وزلوبې سيالۍ تر سره شوه.
دغه سيالۍ چې دوې ورځې يې دوام وکړ، موخه يې د يادې ولسوالۍ وگړو ته د سالمې تفريح برابرول و
په پای کې د مېدان حکم له خوا يو اخرالاق وټاکل شول، چې مطيع االله پهلوان د ډاکټر عبدالقدوس خان په آس تر حلالې دايرې ورساوه او د نغدي ډالۍ ګټونکی ونومول شو.
