ننګرهار؛ شينوارو لويه ولسوالۍ کې د "مرحبا رمضان" په نوم د ځغاستې سيالۍ ترسره شوې
د ننګرهار ولايت بدني روزنې او ورزش رياست اړوند او د شينوارو شپږو ولسواليو ورزشي مديريت پۀ لارښونه او همغږۍ د دودیزو لوبو د دودولو په موخه د شینواري بوکسېنګ کلب د ۲۲ ورزشکارانو ترمنځ د ځغاستې سيالۍ ترسره شوې.
پۀ يادو سياليو کې ۲۲ او ۱۴کلنو ورزشکارانو په دوه ګروپونو کې د دوه کيلو متره واټن پۀ وهلو سره منډه ترسره کړه، چې لومړي ګروپ ۲۲کلنو کې يې حبيب الله حبيبي لومړی مقام، حضرت عمر دویم او حبيب درېیم مقام تر لاسه کړ او بل لور په دویم ګروپ کې سيف الله لومړی، عبدالرحمن دويم او ابوبکر درېیم مقام تر لاسه کړ.
د يادو سياليو غوره او ګټوونکو ورزشکاران پۀ بېلابېلو کپونو او ستاینليکونو وستايل شو.
