پروان کې د ۱۲ لوبډلو ترمنځ د فوټسال رمضان جام سیالۍ د ارسلان جبل السراج لوبډلې په اتلولي پای ته ورسېدې
د پروان ولایت د بدني روزنې او ورزش آمریت له لوري د یاد ولایت مرکز څخه د ۱۲ لوبډلو ترمنځ د فوټسال رمضان جام سیالۍ چې ۲۰ ورځې مخکې پیل شوې وې، د ارسلان جبل السراج لوبډلې په اتلولي پای ته ورسېدې.
د دغو سیالیو پایلوبه د ارسلان حبل السراج او صداقت لوبډلو ترمنځ ترسره شوه، چې په پایله کې ارسلان جبل السراج لوبډلې د ۵/۹ ګولونو په توپیر سیالې لوبډلې ته ماتې ورکړه او اتلولي یې په خپل نوم کړه.
د یادو سیالیو پایلوبه د روژې مبارکې میاشتې درناوی او د فوټسال لوبې وده ښودل شوې ده.
د یادونې وړ ده، چې په پای کې د یاد ولایت ورزشي آمریت له لوري اتلې او دویم مقام لوبډلو ته کپ، مډالونه او ستاینلیکونه ډالۍ کړل.
