زابل؛ مرکز قلات کې د څلورو لوبډلو ترمنځ د والیبال سیالۍ د پغمان اتلانو لوبډلې په اتلولي پای ته ورسېدې
د زابل ولایت د بدني روزنې او ورزش آمریت اړوند د والیال فدراسیون د استازولي له لوري د یاد ولایت مرکز قلات ښار کې د څلورو لوبډلو ترمنځ د اختریز جام په نوم د والیال سیالۍ چې شپږ ورځې مخکې پیل شوې وې، د پغمان اتلانو لوبډلې په اتلولي پای ته ورسېدې.
په دغو سیالیو کې هریرود، لب دریا، طوفان هریرود او پغمان اتلانو لوبډلو ګډون کړی و، چې پایلوبه کې یې د پغمان اتلانو لوبډلې طوفان هریرود لوبډلې ته د ۳-۲ میدانونو په توپیر ماتې ورکړه او اتلولي یې په خپل نوم کړه.
د دغو سیالیو د پای په مراسمو کې د زابل د ورزشي آمریت له لوري ورزشکارانو ته ورزشي توکي ورکړل شول.
