هلمند؛ ناد علي ولسوالۍ کې د اختریز جام په نوم د ټېپ بال کرکټ سیالۍ د پوپل بروز لوبډلې په اتلولي پای ته ورسېدې
د هلمند ولایت د بدني روزنې او ورزش آمریت اړوند د ټېپ بال کرکټ فدراسیون د استازولي له لوري د یاد ولایت په ناد علي ولسوالۍ کې د ۲۴ لوبډلو ترمنځ د اختریز جام په نوم د کرکټ لس اوریزې سیالۍ پای ته ورسېدې.
د یادو سیالیو پایلوبه د پوپل بروز او ملي کاروان لوبډلو ترمنځ ترسره شوه چې پوپل بروز لوبډلې په ټاکلو لسو اورونو کې خپلې سیالې لوبډلې ته د ۱۷۵ منډو هدف وټاکه خو ملي کاروان لوبډلې یې په ځواب کې ۱۲۵ منډې وکړې او سیالۍ یې د ۴۹ منډو په توپیر وبایلله.
د یادو سیالیو د پای په مراسمو کې د هلمند ولایت د ورزش آمز، ورزشي مسؤولانو، ورزش کارانو او د ورزش ګڼو مینوالو ګډون کړی و.
دغه سیالۍ د ځوانانو د تشویق او پرمختګ په موخه ترسره شوې چې په پای کې اتلې لوبډلې ته یو عراده موټر سایکېل، دویم مقام ګټونکې ته یو عراده بایسکېل او نور ورزشي توکي ورکړل شول.
