دایکندي؛ اشترلي ولسوالۍ کې د ۱۲ لوبډلو ترمنځ د فوټبال سیالۍ پیل شوې
د دایکندي ولایت د بدني روزنې او ورزش امریت اړوند د فوټبال فدراسیون د استازولۍ له لوري د اشترلي ولسوالۍ په دربند سیمه کې د ۱۲ لوبډلو ترمنځ د یووالي جام په نوم د فوټبال سیالۍ پیل شوې.
د دغو سیالیو پیل لوبه د کثیرالرشتوي استقلال لېسې او میهن لوبډلو ترمنځ ترسره شوه، چې په پایله کې مساوي پای ته ورسېده.
هېره دې نه وي دغه سیالۍ به دوې اوونۍ دوام وکړي او موخه یې په اشترلي ولسوالۍ کې د فوټبال ورزش ته د ځوانانو هڅوول دي.
