بامیان؛ مرکز کې د اتو لوبډلو ترمنځ د والیبال سیالۍ پیل شوې
د بامیان ولایت د بدني روزنې او ورزش امریت اړوند د والیبال فدراسیون د استازولۍ له لوري د یاد ولایت مرکز په خم کلک کلي کې د اتو لوبډلو ترمنځ په ګروپي ډول د والیبال سیالۍ د میوند لوبډلې په بریا پیل شوې.
د دغو سیالیو په لومړۍ لوبه کې میوند لوبډلې خپلې سیالې بندامیر لوبډلې ته د ۳/۲ میدانونو په توپیر ماتې ورکړه او بریا یې خپله کړه.
هېره دې نه وي دغه سیالۍ به دوې اوونۍ دوام وکړي او موخه یې ورزش ته د ځوانانو هڅوول دي.
