ننګرهار؛ جلال اباد ښار کې د شپږو ولایتونو ۱۶۰ ورزشکارانو ترمنځ د سوک وهنې سیالۍ پیل شوې
د ننګرهار ولایت د بدني روزنې او سپورټ ریاست اړوند د سوک وهنې فدراسیون د استازولۍ له لوري د جلال اباد ښار پنځمې ناحیې په ورزشي جمنازم کې له شپږو ولایتونو د ۱۶۰ ورزشکارانو ترمنځ د استاذ انور الرحمن سمسور په نوم د سوک وهنې دوستانه سیالۍ پیل شوې.
د غه سیالۍ به د ننګرهار په کوربتوب د کابل، لغمان، پنجشېر، بغلان او کونړ ولایتونو د ۸۰ جوړو ورزشکارانو ترمنځ د ماشومانو، نويو ځوانانو، ځوانانو او لویو ورزشکارانو په کټګورۍ کې ترسره شي.
هېره دې نه وي دغه سیالۍ به یوه ورځ دوام وکړي او غوره لوبغاړو ته به مډالونه او ستاینلیکونه ورکړل شي.
