کندز؛ امام صاحب ولسوالۍ کې د ٦٠ جوړو پهلوانانو ترمنځ د سیمه ییزې غېږ نیونې سیالۍ ترسره شوې
د کندز ولایت د بدني روزنې او ورزش ریاست اړوند د کورش فدراسیون د استازولي له لوري د ياد ولايت د امام صاحب ولسوالۍ په قره قوتلمه کلي کې د ٦٠ جوړو (١٢٠) پهلوانانو ترمنځ د سیمه ييزې غېږ نیونې سیالۍ ترسره شوې.
په دغو سياليو کې د کندز ولایت د کورش فدراسیون استازي محمد انور انورجي، له کابل څخه د بدني روزنې او ورزش لوی ریاست تللي پلاوي، قومي مشرانو، سپین ږیرو او د ورزش ګڼ شمېر مینوالو ګډون کړی و.
د سياليو په پای کې ګټونکو لوبغاړو ته نغدي ډالۍ ورکړل شوې او همداراز پهلوان حبيب الله د امام صاحب ولسوالۍ د کورش استازی وټاکل شو.
