بادغیس؛ مرکز قلعه نو کې د ۲۰ ورزشکارانو ترمنځ ملي او دودیزې سیالۍ ترسره شوې
د بادغیس ولایت د بدني روزنې او ورزش امریت اړوند د ملي او دودیزو لوبو مدیریت له لوري د یاد ولایت په مرکز قلعه نو کې د ۲۰ ورزشکارانو ترمنځ د نوي ځوانانو، ځوانانو او لویو ورزشکارانو په عمري کټګوریو کې د لاس چپه کولو او رسۍ کشولو سیالۍ ترسره شوې.
د دغو سیالیو په پایله کې د ۲۰ ورزشکارانو له ډلې د نوي ځوانانو له کټګورۍ محمدد رفع، د ځوانانو له کټګورۍ سمیع الله او لویو ورزشکارانو له کټګورۍ حمیدالله لومړی مقام ترلاسه کړ.
د یادو سیالیو موخه ورزش ته د ځوانانو هڅوول او ملي او دودیزو لوبو ته وده ورکول و.
