بامیان ؛ مرکز کې د ۱۳ لوبډلو ترمنځ د فوټسال سیالۍ ترسره شوې
د بامیانو ولایت د بدني روزنې او ورزش امریت اړوند د فوټبال فدراسیون د استازولۍ له لوري د یاد ولایت په مرکز کې د ۱۳ لوبډلو ترمنځ د شاه فولاد یووالي جام په نوم د فوټسال سیالۍ د فولادي زمریانو لوبډلې په اتلولۍ پای ته ورسېدې.
دغو سیالیو چې دوې اوونۍ دوام وکړپه پایلوبه کې د فولادي زمریانو لوبډلې خپلې سیالې شافولادي لوبډلې ته په پنالټیو کې د ۳/۲ ګولونو په توپير ماتې ورکړه او اتلولي یې خپله کړه.
د یادو سیالیو موخه د فوټسال ورزش ته وده ورکول او د ورزشکارانو ترمنځ یووالی رامنځته کول و.
د سیالیو په پای کې د بامیانو ولایت ورزشي امریت له لوري غوره لوبډلې ته د اتلولۍ جام او غوره لوبغاړو ته ورزشي سامان ورکړل شو.
