کونړ؛ په اسعداباد ښار کې د اتو لوبډلو ترمنځ د ټېپ بال کرکټ سيالۍ پای ته ورسېدې
د کونړ ولايت د بدني روزنې او سپورټ امريت په همکارۍ د اسعداباد ښار په اسپل خصوصي ښوونځي کې د اتو لوبډلو ترمنځ ورزش ته د زده کوونکو هڅولو په موخه د ټېپ بال کرکټ سيالۍ د عثمان شاکر لوبډلې په اتلولۍ پای ته ورسېدې.
د يادو سياليو پايلوبه د عثمان شاکر او واجد کاروان لوبډلو ترمنځ ترسره شوه، عثمان شاکر لوبډلې د لوبې پچې په گټلو سره په ټاکلو شپږو اورونو کې سيالې لوبډلې ته د ۵۱ منډو هدف کېښود، واجد کاروان لوبډلې ياد هدف ترلاسه نه کړ او د ۲۲ منډو په توپير يې ماته ومنله.
د يادونې وړ ده، چې په پای کې اتلې لوبډلې ته د اتلولۍ جام او غوره لوبغاړو مډالونه او چمتو شوې ډالۍ ورکړل شوې
