بغلان؛ نهرین ولسوالۍ کې د فوټسال الف لیګ سیالۍ د محصلینو ب لوبډلې په اتلولۍ پای ته ورسېدې
د بغلان ولایت په نهرین ولسوالۍ کې د اتو لوبډلو ترمنځ د فوټسال الف لیګ سیالۍ، چې اته ورځې وړاندې پیل شوې وې د محصلینو ب لوبډلې په اتلولۍ پای ته ورسېدې.
د دغو سیالیو پایلوبه د محصلینو ب او د بغلان شمال لوبډلو ترمنځ په ټاکلي وخت کې مساوي پای ته ورسېده، خو د محصلینو ب لوبډلې په پینالټیو کې خپلې سیالې لوبډلې ته ماتې ورکړه او اتلولي یې خپله کړه.
د سیالیو په پای کې غوره لوبغاړو ته چمتو شوې ډالۍ ورکړل شوې.
