زابل؛ په قلات ښار کې د ۱۴ ورزشکارانو ترمنځ د ځغاستې سيالۍ ترسره شوې
د زابل ولايت د بدني روزنې او سپورټ امریت اړوند د اتلتيک فدراسيون د استازولۍ له لوري د ياد ولايت په مرکز قلات ښار کې د ۱۴ ورزشکارانو ترمنځ ملي او دوديزو لوبو ته د ودې ورکولو په موخه د ځغاستې سيالۍ ترسره شوې.
دغه سیالۍ چې يوه ورځ يې دوام وکړ، په پايله کې احمد ضياء لومړی، محمد صابر دويم او احمد بيا درېيم مقام ترلاسه کړ.
د يادونې وړ ده، چې د دغو سياليو په پای کې د ياد ولايت د ورزش امريت له لوري غوره ورزشکارانو ته ستاينليکونه او چمتو شوې ډالۍ ورکړل.
