هلمند؛ په گرمسېر ولسوالۍ کې د اتو لوبډلو ترمنځ د فوټسال سيالۍ پای ته ورسېدې
د هلمند ولايت د بدني روزنې او سپورټ امريت اړوند د فوټبال فدراسيون د استازولۍ له لوري د گرمسېر ولسوالۍ په بنادر فوټبال حوزه کې د اتو لوبډلو ترمنځ د ورزشکارانو هڅولو او پرمختگ په موخه د فوټسال سيالۍ د همت افغان لوبډلې په اتلولۍ پای ته ورسېدې.
دغه سیالۍ، چې شاوخوا ۲۰ ورځې يې دوام وکړ، په پايلوبه کې همت افغان لوبډلې سيالې ښاد افغان لوبډلې ته د ۱/۲ گولونو په توپير ماتې ورکړه او اتلولي يې خپله کړه.
