پکتيکا؛ په ارگون ولسوالۍ کې د ۱۶ لوبډلو ترمنځ د ارگون فوټبال ليگ سيالۍ پيل شوې
د پکتيکا ولايت د بدني روزنې او سپورټ امريت اړوند د فوټبال فدراسيون د استازولۍ له لوري د ارگون ولسوالۍ په باليشو عالي لېسه کې د ۱۶ لوبډلو ترمنځ د غوره لوبغاړو موندلو په موخه د فوټبال ليگ سيالۍ د شاهين علي خېلو لوبډلې په بريا پيل شوې.
د يادو سياليو په لومړۍ لوبه کې شاهين علي خېلو لوبډلې سيالې گلبر لوبډلې ته د ۱/۶ گولونو په توپير ماتې ورکړه او بريا يې خپله کړه.
د يادونې وړ ده، چې دغه سيالۍ به شاوخوا ۲۰ ورځې دوام وکړي.
