کابل کې د ۱۲۰ پهلوانانو ترمنځ د پهلوانۍ سیالۍ پيل شوې
د هېواد د المپيک، بدني روزنې او ورزش عمومي ریاست اړوند د پهلوانۍ ملي فدراسیون له لوري د یاد ریاست په اسکیتستان کې د کابل ښار ختیځ زون له ۲۲ کلبونو څخه د ۱۲۰ پهلوانانو ترمنځ د اسلامي امارت د بیا واکمنېدو د درېیمې کلیزې په موخه د پهلوانۍ سیالۍ پیل شوې.
د دغو سیالیو په پيل مراسمو کې د المپیک، بدني روزنې او ورزش عمومي ریاست ورزشي مشاور قاري حیات الله رحماني، د پهلوانۍ ملي فدراسیون رهبري پلاوي او مینوالو ګډون کړی وو.
دغه سیالۍ به د تنکیو ځوانانو، نويو ځوانانو، ځوانانو او لویو ورزشکارانو په عمري کټګوریو او د ۳۲ کیلو ګرام څخه تر ۶۵ کیلو ګرام وزني کټګوریو کې ترسره شي.
یادې سیالۍ د اسلامي امارت د بیا واکمنېدو د درېیمې کلیزې د نماځلو په موخه ترسره کېږي، چې دوې ورځې به دوام وکړي.
