بدخشان کې د ۷۵ کورشکارانو ترمنځ د کورش ټاکنیزې سیالۍ ترسره شوې
د بدخشان ولایت د بدني روزنې او ورزش امریت اړوند د کورش ملي فدراسیون د استازولۍ له لوري د یاد ولایت له مرکز او والسوالیو د ۷۵ کورشکارانو ترمنځ د ځوانانو او لویو ورزشکارانو په عمري کټګوریو کې د کورش ټاکنیزې سیالۍ ترسره شوې.
دغو سیالیو، چې یو ورځ یې دوام وکړ، په پایله کې د شغنان ولسوالۍ د ۳۰ امتیازونو په ترلاسه کولو لومړی، کشم ولسوالۍ د ۲۵ امتیازونو په ترلاسه کولو دویم او کوهستان ولسوالۍ د ۲۰ امتیازونو په ترلاسه کولو سره درېیم مقام ترلاسه کړ.
د یادو سیالیو موخه د بدخشان ولایت منتخبې لوبډلې ته د غوره لوبغاړو موندل و.
