بلخ؛ مرکز مزارشریف ښار کې د ۱۳۰ورزش کارانو ترمنځ د جودو ټاکنیزې سیالۍ ترسره شوې
د بلخ ولایت د بدني روزنې او ورزش ریاست اړوند د جودو فدراسیون د استازولي له لوري د یاد ولایت مرکز مزارشریف ښار کې د ۱۳۰ ورزش کارانو ترمنځ د جودو ټاکنیزې سیالۍ ترسره شوې.
په دغو سیالیو کې له ۶۰ څخه تر ۱۰۰+ کیلو ګرامه وزني کټګوري کې د بلخ ولایت د لسو ولسوالیو ۱۳۰ ورزش کارانو ګډون کړی و، چې په پایله کې یې ۱۴ تنه د بلخ د جودو ټاکنیزې لوبډلې ته وټاکل شول.
یادې سیالۍ د جودو ټاکنیزې لوبډلې ته د غوره لوبغاړو د ټاکلو په موخه ترسره شوې، چې یوه ورځ یې دوام وکړ.
