غزني؛ مرکز کې د ۱۸۰ ورزشکارانو ترمنځ د تکواندو درېیم پړاو ازادې سیالۍ پای ته ورسېدې
د غزني ولایت د بدني روزنې او ورزش امریت اړوند د تکواندو ملي فدراسیون د استازولۍ له لوري د یاد ولایت په مرکز کې له دولس ولایتونو د ۲۰ لوبډلو ترمنځ ( ۱۸۰ ) ورزشکارانو ترمنځ د تکواندو درېیم پړاو ازادې سیالۍ پای ته ورسېدې.
دغو سیالیو، چې دوې ورځې یې دوام وکړ، په پایله کې د غزني ولایت ورزشکارانو د ۵۷ امتیازونو په ترلاسه کولو لومړی، د تخار ولایت د ښاروالۍ لوبډلې ورزشکارانو د ۱۳ امتیازونو په ترلاسه کولو دویم او د بلخ ولایت ورزشکارانو د ۷ امتیازونو په ترلاسه کولو سره درېیم مقام ترلاسه کړ.
د سیالیو په پای کې د غزني ورزشي امریت، د تکواندو فدراسیون نماینده ګۍ او د روشن مخابراتي شرکت له لوري غوره ورزشکارانو ته چمتو شوې ډالۍ ورکړل شوې.
