هلمند؛ په ناوې ولسوالۍ کې د لسو لوبډلو ترمنځ د ټېپ بال کرکټ سيالۍ پيل شوې
د هلمند ولايت د بدني روزنې او ورزش امريت اړوند د ټېپ بال کرکټ فدراسيون د استازولۍ له لوري د ياد ولايت په ناوې ولسوالۍ کې د لسو لوبډلو ترمنځ ورزش ته د ځوانانو هڅولو په موخه د ټېپ بال کرکټ گروپي سيالۍ پيل شوې.
د يادو سياليو لومړنۍ لوبه د مرکزي اتحاد او ذاهد اتلانو لوبډلو ترمنځ ترسره شوه، چې مرکزي اتحاد لوبډلې د لوبې پچې په گټلو سره په ټاکلو ۱۲ اورونو کې سيالې لوبډلې ته د ۱۲۸ منډو هدف وټاکه، په مقابل کې ذاهد اتلانو لوبډلې ياد هدف په اتم اور کې ترلاسه کړ او لوبه يې د لسو ويکټو په توپير وگټله.
د يادونې وړ ده، چې دغه سيالۍ به شاوخوا له يوې مياشتې دوام وروسته پای ته ورسېږي.
