پکتیکا؛ ارګون ولسوالۍ کې د ۳۰ لوبډلو ترمنځ د فوټبال سیالۍ پیل شوې
د پکتیکا ولایت د بدني روزنې او ورزش آمریت اړوند د فوټبال فدراسیون د استازولي له لوري د یاد ولایت په ارګون ولسوالۍ کې د ۳۰ لوبډلو ترمنځ د فوتبال سیالۍ پیل شوې.
د یادو سیالیو لومړۍ لوبه د جمعه نور او محمد نور لوبډلو ترمنځ ترسره شوه، چې په پایله کې یې جمعه نور لوبډلې د ۲ پر صفر ګولونو په توپیر خپلې سیالې لوبډلې ته ماتې ورکړه او د سیالیو لومړۍ لوبه یې وګټله.
دا سیالۍ د ځوانانو ترمنځ د یووالي د رامنځته کولو او په لېرې پرتو سیمو کې ورزش ته د ودې ورکولو په موخه پیل شوي دي، چې ۲۰ ورځې به دوام وکړي.
