زابل؛ په قلات ښار کې د ۲۴ ورزشکارانو ترمنځ د لاس چپه کولو سيالۍ پای ته ورسېدې
د زابل ولايت د بدني روزنې او ورزش امريت اړوند د ملي او دوديزو لوبو مديريت له لوري د ياد ولايت په مرکز قلات ښار کې د ۲۴ ورزشکارانو ترمنځ د لاس چپه کولو سيالۍ، چې دوې ورځې مخکې پيل شوې وې پای ته ورسېدې.
دغه سیالۍ چې ملي او دوديزو لوبو ته د ودې ورکولو او پرمختگ په موخه چمتو شوې وې، په پايله کې هارون لومړی، عبدالله دويم او داد محمد بيا درېيم مقام ترلاسه کړ.
د يادولو وړ ده، چې د دغو سياليو په پای کې د ياد ولايت د ورزش امريت له لوري ورزشکارانو ته ورزشي وسايل ورکړل شول.
