زابل؛ شاجوی ولسوالۍ کې د ۱۶ لوبډلو ترمنځ فوټبال سيالۍ پيل شوې
د زابل ولایت د بدني روزنې او ورزش آمريت په همغږۍ، د فوټبال فدراسيون د استازولۍ له لوري د ياد ولايت په شاجوی ولسوالۍ کې د ۱۶ لوبډلو ترمنځ د "اتحاد جام" په نوم د فوټبال سيالۍ پيل شوې.
د يادو سياليو په پيليزه لوبه کې ترنگ اتلانو لوبډلې خپلې سيالې لودين استقلال لوبډلې ته د ۵-۰ گولونو په توپیر ماتې ورکړه او بريا يې خپله کړه.
د ويلو وړ ده، چې دغه سيالۍ په شاوخوا درې اوونۍ دوام وکړي.
