نیمروز؛ مرکز زرنج ښار کې د اتو لوبډلو ترمنځ د فوټسال سيالۍ پای ته ورسېدې
د نيمروز ولايت د بدني روزنې او ورزش امريت اړوند د فوټبال ملي فدراسیون د استازولۍ له لوري د ياد ولايت په مرکز زرنج ښار کې د اتو لوبډلو ترمنځ د فوټسال سيالۍ پای ته ورسېدې.
د دغو سياليو په پايلوبه کې خلفا لوبډلې خپلې سیالې ميهن لوبډلې ته د ۶/۱ ګولونو په توپير ماتې ورکړه او اتلولي يې خپله کړه.
د يادو سياليو موخه د فوټسال لوبو ته وده ورکول و، چې يوه اوونۍ يې دوام وکړ.
