بلخ؛ کابل لوبډلې د لامبووهلې سیالۍ وګټلې
د بلخ ولایت په مزار شریف ښار کې د نوي ۱۴۰۱ کال د رارسېدو په مناسبت د المپيک ملي کمېټې او ورزش ریاست په ملاتړ د “جام ګل سرخ” په نوم د لامبو وهلو سیالۍ وشوې.
په دې سیاليو کې د بلخ ولایت پر معلول لامبو وهونکو ورزشکارانو سربیره د کابل، هرات، بلخ، کندهار، بامیان او سمنګان ولایتونو ۷۵ ورزشکارانو په بېلابېلو ډلبندیو کې ګډون کړی و.
په دې سیالیو کې د کابل لوبډلې لومړی، بلخ دوهم، هرات درېيم او بامیان لوبډلې څلورم مقام وګاټه.
د لامبووهلو فدراسیون د مسؤلینو په خبره د دې لوبو موخه د ورزش د فرهنګ دودول او د هیواد د خلکو تر منځ یوالی دی.
