کندهار؛ د ورزش رئیس ښاغلي مطمئن له شېخ زاید دارلایتام څخه لیدنه وکړه
د المپيیک ملي کمېټې او ورزش رئيس کندهار ولایت کې د شېخ زاید دارلایتام څخه لیدنه وکړه او هلته يې له نږدې څخه د دې روزنتون د لوبغاړو ترمنځ د فوټبال، رسۍکشۍ، منډې او کرکټ لوبو ننداره هم وکړه.
ښاغلي مطمئن د یاد دارلایتام څخه د لیدنې تر څنګ د هلته د کرکټ، فوټبال د پای لوبو او همدارنګه د رسۍ کشۍ لوبې څخه لیدنه وکړه او د دې دارلایتام ورزشکاران يې وستایل.
د المپیک ملي کمېټې او ورزش رئيس د شېخ زاید دارلایتام زده کوونکي ورزش ته وهڅول او هغوی ته يې د ممکنه همکارۍ ډاډ ورکړ.
شېخ زاید دارلایتام د لوی کندهار په کچه هغه لوی روزنیز مرکز دی چې شاوخوا ۱۱سوه یتمان په کې تر دولسم ټولګي پورې زده کړې کوي.
