د تسلیت او غمرازۍ پیغام!

انا لله و انا الیه راجعون

په ډېرې ژورې خواشینۍ سره مو خبر ترلاسه کړ، چې د افغانستان د بدن ښکلا او فټنس ملي فدراسیون د ملي لوبډلې لوبغاړی، نړۍوال اتل او د سرو زره مډال ګټونکی علي رضا اساهي د زړه د حملې له امله دې فاني نړۍ څخه سترګې پټې کړي دي، د افغانستان د المپیک، بدني روزنې او او ورزش لوی ریاست رهبري د نوموړي ورزشکار او ملي اتل د مړینې له امله ژوره خواشيني څرګندوي، له کورنۍ او دوستانو سره یې ځان په دې غم کې شریک ګڼي او مرحوم ته د الله تعالی له درباره د فردوس جنت هیله څرګندوي.

مرحوم اساهي د افغانستان د ورزش په ډګر کې دروند او خواریکښ ورزشکار او د هیواد ملي اتل و، چې په خپلو خواریو، هاند او هڅو سره یې د افغانستان نوم په نړۍوالو ډګرونو او سیالیو کې اوچت کړ او خپل هېواد ته یې ویاړونه راوړل، د ورزش اداره د نوموړي مړینه د ټول هیواد او په ځانګړي ډول د ورزش کورنۍ لپاره ستره ضایع ګڼي. هغه د افغانستان د ورزش په تاریخ کې یو نه هېرېدونکی اتل و، چې یاد به یې د هېوادوالو او ورزشکارانو په زړونو کې تلپاتې وي.

د افغانستان د المپیک، بدني روزنې او سپورټ عمومي ریاست