د کرېکټ نړۍوالې شورا د یو ورځنیو لوبو غوره لوبډله؛ درې افغان لوبغاړي یې برخه دي
د کرېکټ نړۍوالې شورا د ۲۰۲۴ کال د یو ورځنیو لوبو د غوره لوبډلې نوملړ اعلان کړی، چې د درېیو افغان لوبغاړو رحمن الله ګربز، عظمت الله عمرزی او الله محمد غضنفر نومونه هم په کې شامل دي.
په دغه لوبډله کې د پاکستان درې لوبغاړي صايم ایوب، شاهین شاه اپریدي او حارث روؤف، د سرېلانکا څلور لوبغاړي پاتوم نسینکا، کوشال منډېس، چرېس اسلنکا او وېنیندو هسرنگا او د ویسټ اینډیز یو لوبغاړی شرفین رېدرفورډ شامل دي.
د کرېکټ نړۍوالې شورا په خپلو غوره لوبډلو کې د لوبغاړو ټاکنه، په خپل فارمټ کې د دوی د وروستیو لاسته راوړنو پر بنسټ کوي.
