هلمند؛ په ګرمسیر ولسوالۍ کې د نهو لوبډلو ترمنځ د فوټسال ګروپي سيالۍ پيل شوې
د هلمند ولایت د بدني روزنې او ورزش امريت اړوند د فوټبال ملي فدراسيون د استازولۍ له لوري او د مفتي يحيي خان په مالي ملاتړ د ياد ولايت د ګرمسير ولسوالۍ په نورعلي نوروزي لوبغالي کې د نهو لوبډلو ترمنځ د فوتسال ګروپي سيالۍ د مرکزي لېسې لوبډلې په بريا سره پيل شوې.
د دغو سياليو په لومړۍ لوبه کې مرکزي لېسې لوبډلې خپلې سیالې هلمند يارانو لوبډلې ته د ۱۰/۰ ګولونو په توپير سره ماتې ورکړه او بريايې وګټله.
د يادو سياليو موخه راتلونکو سياليو ته د ورزشکارانو چمتو والي دي، چې دوې اوونۍ به دوام وکړي.
