د موی تای افغان ورزشکارانو د ازبکستان په کوربتوب بین المللي سياليو کې لس مډالونه وګټل
د موی تای افغان ورزشکارانو د موی تای ۲۰۲۵ بین المللي سياليو کې، چې د ازبکستان په کوربتوب وې، دوه د سرو زرو، څلور د سپينو زرو او څلور د برنزو مډالونه وګټل.
له يادو مډالونو څخه علی ابراهيمي او احسان الله رضايي د سرو زرو، علي باسط محمدي، امين الله غلجايي، احمد راشد محمدي او مالک نورزي د سپينو زرو او مصطفی رضايي، ياسين بیجندي، علی براتي او علی خاوري د برنزو مډالونه وګټل.
دغه سيالۍ د ازبکستان په کوربهتوب په پلازمېنه تاشکند ښار کې له شلو ډېرو هېوادونو په ګډون د روانې ميلادي مياشتې پر ۱۰ پيل شوې او نن(د نومبر ۱۶) پای ته ورسېدې، چې د افغانستان په استازولۍ پکې ۱۳ ورزشکارانو او ۴ پلاوو ګډون درلود.
