کابل کې د ۲۵۵ ورزشکارانو ترمنځ د ووشو دوستانه سيالۍ پيل شوې
د المپیک، بدني روزنې او ورزش عمومي رياست اړوند د ووشو ملي فدراسيون له لوري د ياد فدراسيون په ورزشي جمنازيوم کې د کابل ولايت له ۶۰ کلبونو څخه د ۲۵۵ ورزشکارانو ترمنځ د ا.ا.ا د بيا واکمنېدو د پنځمې کاليزې د نمانځنې په موخه د ووشو دوستانه سيالۍ پيل شوې.
دغه سيالۍ به د تنکيو ځوانانو، نويو ځوانانو، ځوانانو او د لويانو ورزشکارانو په عمري کټګوريو او د ۱۴ کيلو ګرام څخه تر ۱۲۰ کيلو ګرام پورې په بېلابېلو وزني کټګوريو کې ترسره شي، چې په پايله کې به ګټونکو ورزشکارانو ته د اتلولۍ حکمونه ورکړل شي.
د يادو سياليو موخه د ا.ا.ا د بيا واکمنېدو د پنځمې کاليزې نمانځل او د ووشو راتلونکو سياليو ته د ورزشکارانو لا ښه چمتوالی دی، چې دوې ورځې به دوام وکړي.
