خوست؛ پوهاند عبدالحی حبیبي لېسې لوبډلې د معارف جام کرکت ټېپ بال سیالیو اتلولي وګټله
د خوست د ورزش امریت او پوهنې ریاست په ګډه همغږۍ په حکیم تڼیوال پارک کې د ۲۸لېسو او مدرسو لوبډلو ترمنځ د « معارف جام» په نوم د ټېپ بال پیل شوې سیالۍ د پوهاند عبدالحی حبیبي لېسې لوبډلې په ګته پای ته ورسېدې.
دغو سیالیو چې یوه میاشت یې دوام وکړ پایلوبې ته د مرکز پوهاند عبدالحی حبیبي او مندوزیو ولسوالۍ څړبن لېسو لوبډلو لاروموندله، د پوهاند عبدالحی حبیبې لېسې لوبډلې د لوبې پچه وګټله او لومړی یې توپوهنه وکړه، چې په ټاکلو لسو اورونو کې یې د ۵لوبغاړو په زیان مقابلې لوبډلې ته د ۱۱۷مڼډو هدف ورکړ.
په مقابل کې د څړبن لېسې لوبډلې ورکړل شوی هدف پوره نه کړ او د لسم اور په وروستي بال یې د اته ویکتو په زیان سره یوازي ۹۵منډې وکړي او لوبه یي د ۲۲منډو په توپير وبایلله.
عنایت د ۲۰۸ منډو په کولو سره د ټورنمنټ غوره لوبغاړی او ابراهیم بیا د ۱۲لوبغاړو په سوځولو سره د غوره توپ اچونکي جایزه ترلاسه کړه.
د دې جام موخه د ښوونځیو او مدرسو ترمنځ واټن له منځه وړل او زده کوونکو ته د حب الوطن روحیه ورکول دي.
په پای کې ګټونکې لوبډلې او غوره لوبغاړو ته کپونه، مډالونه او ډالۍ ورکړل شوې.
