ارزګان؛ په دهراود ولسوالۍ کې د ټېپ بال کرکټ سیالۍ پای ته ورسېدې
د ارزګان ولایت د بدني روزنې او ورزش امریت له لوري په دهراود ولسوالۍ کې د ۱۸ لوبډلو ترمنځ د ټېپ بال کرکټ سیالیو اتلولي ازاد زلمي لوبډلې خپله کړه.
د دغو سیالیو پایلوبې ته ازاد زلمي او اتحاد لوبډلو لار موندلې وه، لومړۍ توپوهنه ازاد زلمي لوبډلې ترسره کړه او په ټاکلو ۱۲ اورنو کې یې سیالې لوبډلې ته ۱۸۹ منډې هدف کېښود، بل لوري ته اتحاد لوبډلې په یادو اورونو کې دغه هدف پوره نشوای کړی او په ۵۹ منډو یې سیالې لوبډلې ته ماتې ومنله.
هېره دې نه وي چې یادې سیالۍ ۴۰ ورځې وړاندې پیل شوې وې او موخه یې له نشه یي موادو سره د ځوانانو مبارزه یاده شوې ده.
