پکتيکا؛ رحمان گل ځدراڼ لوبډلې د رمضان جام په نوم د واليبال سياليو اتلولي وگټله
د پکتيکا ولايت د بدني روزنې او ورزش امريت اړوند د واليبال فدراسيون د استازولۍ له لوري د اورگون ولسوالۍ په سادات مانده ورزشي لوبغالي کې د ۱۸ لوبډلو ترمنځ د رمضان جام په نوم د واليبال سيالۍ د رحمان گل ځدراڼ لوبډلې په اتلولۍ پای ته ورسېدې.
د يادو سياليو پايلوبه د رحمان گل ځدراڼ او واحد اورگوني لوبډلو ترمنځ ترسره شوه، چې په پايله کې رحمان گل ځدراڼ لوبډلې سيالې لوبډلې ته ۲/۳ ميدانونو په توپير ماتې ورکړه او اتلولي يې خپله کړه.
د دغو سياليو د ترسره کېدو موخه ورزش ته د ځوانانو هڅول او ترمنځ يې سالمه تفريح ياده شوې وه، چې دوې اوونۍ يې دوام وکړ او په پای کې غوره لوبغاړو ته چمتو شوې ډالۍ ورکړل شوې.
