ننګرهار، په کوټ ولسوالۍ کې د ۳۰ لوبډلو ترمنځ د ټېپ بال کرکټ سیالۍ پای ته ورسېدې
د ننګرهار ولایت د بدني روزنې او سپورټ ریاست په لارښوونه په کوټ ولسوالۍ کې د ۳۰ لوبډلو ترمنځ د ټېپ بال کرکټ سیالۍ، چې یوه میاشت یې دوام وکړ، د قلعه جاتو لوبډلې په اتلولۍ پای ته ورسېدې.
د دغو سیالیو پایلوبه د قلعه جاتو او بهار مینې لوبډلو ترمنځ ترسره شوه، لومړی توپوهنه بهار مېنې لوبډلې ترسره کړه او په ټاکلو ۹ اورونو کې یې سیالې لوبډلې ته ۸۶ منډې هدف کېښود، د لوبې په دویمه پاڼۍ کې قلعه جاتو لوبډلې یاد هدف د څلور لوبغاړو په زیان په اووم اور کې پوره کړ او په شپږو ویکټو یې اتلولي خپله کړه.
