د کابل شمالي زون په کچه د ملي لوبډلې د ټاکنیزو سیالیو لپاره د بوکسنګ ټاکنیزې سیالۍ ترسره شوې
د بدني روزنې او ورزش عمومي ریاست اړوند د بوکسنګ ملي فدراسیون له لوري د ملي لوبډلې د ټاکنیزو سیالیو لپاره د کابل شمالي زون د ۲۵ کلبونو ۱۱۷ ورزشکارانو ترمنځ ټاکنیزې سیالۍ ترسره شوې.
دغه سیالۍ د تنکیو او نویو ځوانانو کټګورۍ اړوند دوه ورځې وړاندې پیل شوې وې او نن پای ته ورسېدې، چې په پایله کې د کابل شمالي زون له مختلفو کلبونو څخه د دواړو کټګوریو تنکیو ځوانانو او نویو ځوانانو څخه په مختلفو وزنونو کې ۲۶ ورزشکاران د ملي لوبډلې د ټاکنیزو سیالیو لپاره غوزه شول.
دا په داسې حال کې ده چې د ملي لوبډلې د غوراوي لپاره هر کال د افغانستان له مختلفو ولایتونو څخه د بوکسنګ اړوند ټاکنیزې سیالۍ ترسره کېږي او ملي لوبډلې لپاره ته ترې ورزشکاران ټاکل کېږي؛ ترڅو د هیواد په کچه په نړیوالو سیالیو کې د افغانستان لپاره ښه وځلېږي.
هېره دې نه وي چې د دغو سیالیو په پای کې غوره ورزشکارانو ته مډالونه او د قهرمانۍ حکمونه ورکړل شول.
