ارزګان؛ په دهراود ولسوالۍ کې د ۳۸ لوبډلو ترمنځ د ټېپ بال کرکټ سیالۍ پای ته ورسېدې
د ارزګان ولایت په دهراود ولسوالۍ کې د ۳۸ لوبډلو ترمنځ د ټېپ بال کرکټ اختریز جام سیالیو اتلولي هیوادمل لوبډلې خپله کړه.
د دغو سیالیو پایلوبې ته سلیمان تخت او هیواد مل لوبډلو لار موندلې وه، د لوبې په لومړۍ پاڼۍ کې سلیمان تخت لوبډلې په ټاکلو ۱۴ اورونو کې سیالې لوبډلې ته د ټولو لوبغاړو په زیان ۸۸ منډې هدف کېښود، بل لوري ته هیواد مل لوبډلې دغه هدف د لوبې په شپږم اور کې د دوو لوبغاړو په زیان پوره کړ او اتلولي یې خپله کړه.
هېره دې نه وي چې دغو سیالیو ۲۶ ورځې دوام وکړ او نن د هیواد مل لوبډلې په بریا پای ته ورسېدې.
