تخار؛ په ینګي قلعه ولسوالۍ کې د کورش سیالۍ پای ته ورسېدې
د تخار ولایت په ینګي قلعه ولسوالۍ کې د څلورو ولسوالیو د ۹۰ تنو ورزشکارانو ترمنځ دوه ورځنۍ د کورش دودیزې سیالۍ پای ته ورسېدې.
یادې سیالۍ د تخار ولایت د بدني روزنې او سپورټ امریت له لوري د یاد ولایت د کورش فدراسیون په همکاري جوړې شوې وې.
د یادو سیالیو لیدو ته سلګونه تنه ننداره چیان راغلي وو او سیالۍ یې له نږدې وکتلې. د دې سیالیو لومړی مقام د ینګي قلعه ولسوالۍ ورزشکارانو وګاټه، په پای کې ګټونکو لوبغاړو ته د مسولینو له لوري ډالۍ ورکړل شوې.
